«Кыргызстан аэропорттору» ачык акционердик коому «Манас» эл аралык аэропортунун аэробекет комплексинин аймагында оңдоо жана кеңейтүү иштери жүргүзүлүп жаткандыгына байланыштуу аэробекеттин алдындагы акы төлөнүүчү унаа токтотуучу жай бүгүнтөн тарта ишин токтоторун маалымдайт.
Жүргүнчүлөрдүн жана тосуп алуучулардын ыңгайлуулугу үчүн аэропорттун имаратынын оң жагында, жергиликтүү учуулар залына кире беришине жакын жаңы унаа токтотуучу жай ачылды.
Бардык коноктордон тыгындарды болтурбоо жана башка жол кыймылынын катышуучуларына ыңгайсыздык жаратпоо үчүн негизги трассаны бойлото унааларды калтырбоону суранабыз.
«Кыргызстан аэропорттору» ААК түшүнүү менен кабыл алууңуздарды суранат.
