Улуттук коопсуздук мамлекеттик комитети Мамлекеттик бажы кызматынын мурдагы орун басары Раим Матраимовго карата сотко чейинки өндүрүштү улантууда. Бул тууралуу аталган мекеменин басма сөз кызматты билдирди.
«Бүгүнкү күнгө чейин бажы кызматынын башка кызматкерлеринин коррупциялык схемаларга тиешеси бар экендиги аныкталды. Ошол эле учурда, аталган башкармалыкта коррупцияга аралашкан айрым бажы кызматкерлеринин аракеттеринен мамлекетке келтирилген зыяндын ордун толтуруу боюнча иштер улантылууда. Тергөөнүн жыйынтыгы боюнча, сотко чейинки өндүрүштүн жыйынтыктары,жөнүндө коомчулукка кеңири маалымдалып турат,»-деп айтылат маалыматта.
Каржы министрлигинин маалыматы боюнча, Райымбек Матраимов 2020-жылдын 27-ноябрына карата 661,2 миллион сом которгон.
