Бардык медиктерге жана медициналык мекемелердин башка жумушчуларын милдеттүү түрдө коронавируска каршы вакцина алуу буйругун чыгарды. Бул туурасында министрликтин юридикалык бөлүмүнүн башчысы Азамат Жумакеев билдирди.
Социалдык тармактарда министр Алымкадыр Бейшеналиев аталган буйрукка 29-июнда кол койгону туурасында сүрөт жарыяланды.
«Башка бейтаптарга жардам бериш үчүн дарыгер өзү корголгон болушу керек. Министрлик жумуш берүүчү катары коопсуздукту камсыздоого тийиш. Мындай практика Россия, Казакстан жана Европа өлкөлөрүндө колдонулат», — деди Жумакеев.
Юристтин айтымында, тиешелүү буйрук Эмгек кодексине дал келет жана ал кызматкерлерди коргоого багытталган.
Ошондой эле ал санитар, чарбалык тейлөө персоналы, бухгалтер сыяктуу саламаттык сактоо органынын бардык кызматкерлерине вакцина алуу милдети коюлганын белгиледи.
