УКМК күчтүү таасир этүүчү психотроптук препараттарды мыйзамсыз сатып алуу, таратуу жана сактоо менен алектенген бир нече киши кармалганын маалымдады.
Маалыматка караганда, Ош шаарындагы «Аль-Азиз» реабилитациялык борбору мыйзамсыз иш алып барган. Ал жерге ар кандай көз карандылыктан жабыркаган адамдарды жаткырышкан.
Борбордун кызматкерлери тиешелүү билими, лицензиясы жок экенине карабай медициналык кызмат көрсөтүп келишкен. Тагыраагы, курч психологиялык кризисти башынан кечирген адамдарга күч колдонуп, тынчтандыруучу каражаттарды пайдаланып, өлкөдө эркин жүгүртүлүшүнө тыюу салынган күчтүү психотроптук дары-дармектерди беришкен.
Жыйынтыгында А.у.Н. аттуу жаран убактылуу кармоочу жайга киргизилип, кылмышка тиешеси барлар аныкталып жатат.
Посмотреть эту публикацию в Instagram
