Казандагы мектепте болгон ок атышуудан каза болгон мугалим Эльвира Игнатьева баланы сактап калуу үчүн өз жанын курман кылган. Бул тууралуу милиция кызматкерлери билдиришкен.
Алдын ала маалыматтар боюнча, Игнатьева окуучуларынын бирин сактап калууга аракет кылган, жана бул тууралуу трагедиянын күбөлөрү айтып беришкен. Мугалим окуучуну ок аткан адамдан алыстатып, анын куралынын жолунда туруп, баланы натыйжалуу коргой алган.
Маркум мектепте төрт жылга жакын сабак берген, ал 2018-жылы «Жылдын мыкты мугалими» сынагында 2-орунду ээлеген.
Эскерте кетсек, 11-майда 19 жаштагы Ильназ Галявиев өзү окуп бүткөн гимназияга курал менен кирип, окуучуларды барымтага алып 7 окуучуну, 2 мугалимди өлтүргөн. Каргашалуу окуядан дагы 125 жаран жаракат алган. Кечээ, 12-майда Ильназ Галявиевге сот өмүр бою эркинен ажыратуу чечимин чыгарды.