Нарын районунун Миң-Булак айыл аймагынын башчысы “Лабиринт” ЖЧКсынын башкы директорунан Куйбышев айылындагы бала бакчанын тегерегине брусчатка төшөө боюнча келишим түзүү маселесин оң жагына чечүү үчүн 20 миң сом өлчөмүндө акча талап кылган.
УКМКдан билдиришкендей, «Лабиринт» ЖЧКсынын башкы директору алдын ала мурда “МБАНК” мобилдик тиркемеси боюнча жергиликтүү өз алдынча башкаруунун башчысынын талабы менен аталган жаранга 8 миң сом акча которулган.
Козголгон кылмыш ишинин алкагында, калган 12 миң сом өлчөмүндө акча каражатын алып жаткан жеринен Миң-Булак айыл аймагынын башчысы кармалды.
Учурда анын башка кылмыштарга катыштыгы бар экендигин аныктоо боюнча ыкчам иш-чаралары жүргүзүлүүдө.
