Чаткал райондук ички иштер бөлүмү тарабынан жашоо шарты оор үй-бүлөлөрдүн балдарына майрамдык белектер тапшырылды. Бул тууралуу Жалал-Абад ОИИБдин Басма сөз кызматы билдирди.
Маалыматка ылайык, Милиция кызматкерлери жаш балдарды эл аралык күнү менен куттукташып, келечекке мыкты максаттарды коюуга чакырышты.
«Сузак РИИБдин кызматкерлери район борборуна эс алууга келген жаш балдарга майрамдык маанай тартуулашкан. Алар менен чогу оюндарды уюштуруп, көңүлдөрүн көтөрүштү»,-деп берилет маалыматта.
Тогуз-Торо районунда милициянын көчмө кабылдама унаасы менен кызматкерлер айылдарды кыдырышты.
Эскерте кетсек, жаш балдарды майрамдары менен куттукташып, эс алуу бактарында алардын коопсузугун көзөмөлгө алышты.