Автоээнбаштык жасаган айдоочуга 21 миң сом айып салынды. Бул тууралуу ЖКККББнын басма сөз кызматы билдирди.
Ош шаарында кайгуул кызматкерлеринин көзүнчө атайын автоээнбаштык жасап жаткандыгы боюнча видео тасма тараган.
Бул факты боюнча айдоочу ошол замат кармалган. Автоээнбаштык жасагандыгы жана кошумча жабдыктарды мыйзамсыз орнотуп алгандыгы үчүн айдоочуга айып салынып, унаасы айып короо жайына токтотулду.
Урматтуу жарандар эгерде көчөлөрдөн мына ушунда жол эреже бузуу фактыларын көрсөңүз 0777 102-102 ЖКККББнын ишеним ватсап номуруна жөнөтүп койсоңуз болот.
