Келечекте күйүүчү-майлоочу майдын баасын бир тепкичте кармап туруу мүмкүн эмес. Бул тууралуу Кыргызстандын экономика министри Данияр Амангелдиев Коопсуздук кеңешинин жыйынында билдирди.
Ал коңшу мамлекеттерге салыштырмалуу күйүүчү-майлоочу майдын баасынын төмөндүгүн белгиледи.
«Бизде күйүүчү-майлоочу майлар эң арзан баада. Бул мамлекеттик жөнгө салуу менен шартталган. Бирок келечекте бааны кармап туруу мүмкүн эмес. Биз регион боюнча бааларды теңдештирүүгө даяр болушубуз керек. Биз электромобилдерди колдонууга өтүшүбүз керек”, — дейт Данияр Амангелдиев.