Садыр Жапаров КРнын Ички иштер министрлигине тапшырма берди. Бул тууралуу президент Коопсуздук кеңешинин жыйынында билдирди.
«Кыргыз Республикасынын Жогорку Кеңешинин депутаттарын шайлоо күнү жана шайлоодон кийинки мезгилде коомдук тартипти жана коопсуздукту камсыз кылуу боюнча бардык чаралар көрүлсүн;
Шайлоо жана референдум өткөрүү боюнча борбордук комиссиясынын мүчөлөрүнүн коопсуздугу камсыз кылынсын;
Коомдук коопсуздукту сактоо максатында мыйзамдарда каралган ыйгарым укуктардын алкагында көз карандысыз жана демократиялык шайлоолорду өткөрүүгө кызыкдар болбогон жактардын деструктивдүү жана терс ички жана тышкы таасир этүүсүн жана кийлигишүүсүн болтурбоого багытталган чаралардын комплекси ишке ашырылсын»,-деди өлкө башчы.