Өзбекстандын президенти Шавхат Мирзиёев кызы Саида Мирзиёеваны президенттик администрациянын башчысы кылып дайындады. Бул тууралуу Sputnik Өзбекстан кабарлады.
Маалыматка ылайык, эки жыл мурда жоюлган президенттик администрация кайрадан түзүлгөн. 40 жаштагы Саида буга чейин президенттин жардамчысы болуп иштеп келген.
Мирзиёева 2006-жылы Дүйнөлүк экономика жана дипломатия университетинин эл аралык укук факультетин бүтүргөн. 2008-жылы укук, 2010-жылы экономика жана финансы стратегиясы боюнча магистр даражаларын алган. Экономика илимдеринин кандидаты. Президенттик администрациянын маалыматтык саясат бөлүмүн жетектеген, ММКны колдоо фондунун жана Маалымат агенттигинин жетекчилик кызматтарында иштеген.
