Бишкекте митинг өткөрүүгө коюлган чектөөнүн мөөнөтү кайрадан узартылды.
Мүмкүн болгон массалык баш аламандыктарды болтурбоо жана бөгөт коюу максатында, ошондой эле «Тынч чогулуштар жөнүндө» КР мыйзамын жетекчиликке алуу менен Биринчи май районунун акимиаты митинг өткөрүү жерлерин чектөөнү кайрадан убактылуу узартуу арызы менен райондук сотко кайрылган. Сот арызды канааттандырган.
Төмөнкү жерлерде митинг өткөрүүгө болбойт:
- Ала-Тоо аянтында;
- Жогорку Кеңештин имаратынын алдында;
- президенттин администрациясынын жанында;
- Т.Турсунбаева скверинин аймагында, Россия Федерациясынын элчилигинин, Жогорку соттун, УКМК жана ИИМ имараттарынын жанында.
