Москвада көп кабаттуу бир нече үйгө учкучсуз учактар келип урунду. Оор жаракат алгандар жок.
Маалыматка караганда, бир учкучсуз учак Профсоюзная көчөсүндөгү турак үйдүн үстүңкү кабаттарына тийген. Үйдүн фасады жана айнектери талкаланган. Экинчиси Жаңы Москвадагы Атласов көчөсүндөгү 24 кабаттуу турак жайды сүзгөн. Ушул тапта жеринде атайын кызматтар иштеп жатат.
Айрым маалыматтар боюнча, баш калаада кеминде үч үйгө учак тийген.