Москвада Кыргызстандын жарандары катышкан адаттан тыш көрүнүш болгон. Бул тууралуу SHOT-Telegram каналы билдирди.
Маалыматына караганда, Кыргызстандын 24 жаштагы жараны Эрсултан жакында эле курулуш материалдарын сатуучу фирмага курьер-айдоочу болуп ишке орношкон. Ал дарыканада иштеген 19 жаштагы мекендешине үйлөнгөн.
Окуя болгон күнү ал «Газель» үлгүсүндөгү унаага жубайын олтургузуп алып кетет. Алардын ортосунда чыр чыккан. Келинчеги жол чырактан түшүп кетүүнү ойлогон, бирок капысынан унаанын эшигин ачып, кулап кеткен.
Бактыга жараша кыз жабыркаган эмес. Күйөөсүнө эч кандай доосу жок.
