Кыргызстандын бокс боюнча улуттук курама командасынын мүчөлөрү Кытайдын Үрүмчү шаарында өтүп жаткан эл аралык мелдеште 6 медаль жеңди.
Дене тарбия жана спорт департаментинен билдиргендей, Анвар Хожиев (48 кг) жана Санжар Сейдакматов (57 кг) алтын медаль жеңип, мелдештин жеңүүчүлөрү болду. Ислам Төрөбаев (57 кг), Мирзахид Имамназаров (63,5 кг), Сагын Сатыбалды уулу (80 кг) жана Бакыт Токтосун уулу (92 кг) коло байгеге татышты.
Ал эми, 9-октябрда 67 кг чейинки салмак чен бирдигинде Алмаз Орозбеков алтын байге үчүн күч сынашат.
