Мамлекеттик салык кызматынын кызматкерлери Бишкек, Ош шаарларында жана Талас облусунда жүргүзүлгөн рейддик салыктык көзөмөл учурунда алкоголдук продукцияны тиешелүү лицензиясыз жана уруксат кагаздарысыз сатуу максатында мыйзамсыз сактагандыгын аныкташты. Бул тууралууу Салык кызматынын басма сөз кызматы билдирди.
Мамлекеттик салык кызматынын басма сөз кызматы билдиргендей, мыйзамсыз жүгүртүүдөн жалпы суммасы 3 миллион сомдон ашуун суммадагы 22 миң 378 бөтөлкө алкоголдук продукция алынган. Анын ичинен Бишкек жана Ош шаарларынан 2 миң 441, Талас облусунан 19 миң 937 бөтөлкө алынган.
Ишкердик субъектилерине карата мыйзам чегинде чаралар көрүлдү.
