Бүгүн, 7-декабрда Жогорку Кеңештин жыйынында депутат Надира Нарматова Мамкурулуштун жетекчиси Нурдан Орунтаевди чакырса келбей, сунуштарын укпай жатканына нааразы болду. Кайра-кайра чалып атып чакырса, келип 5 мүнөт отуруп эле туруп кетип калганын айтты.
Эл өкүлү Ноокат районундагы капиталдык салымдар боюнча сурамак болгон.
“Кечээ мен чакырсам “90 депутаттын ар бирине барганга убактым жок, өзүмдүн графигим бар” деп милициялык мүнөз менен жооп бериптир”, — деди ал.