Бишкекте «Наристе» деп аталган балдардын эл аралык VI фольклордук фестивалы башталды. Бул тууралуу мэриядан билдирди.
Маалым болгондой, быйыл ага Беларусь, Монголия, Казакстан, Түштүк Корея, Түркия, Румыния, Россия, Өзбекстандан катышуучулар келди.
Иш-чаранын алкагында элдик бий жана аспаптык топтордун концерттери, мастер-класстар өтөт. Андан сырткары конференциялар, кол өнөрчүлөрдүн көргөзмөлөрү, маданий долбоорлорду тааныштыруу жана Бишкектин тарыхый, маданий жайларына экскурсиялар уюштурулат.
«Наристе» фестивалы дүйнө элдеринин маданий мурастарын сактоо, жайылтуу, балдардын чыгармачылыгын колдоо үчүн маанилүү эл аралык платформа десек болот.
