Нарын шаарынын мэри Жылдызбек Беккелдиев М. Жусаев атындагы паркты реконструкциялоо жана жаңы парк куруу долбоорунун жүрүшү менен таанышты. Бул тууралуу шаардык мэрия билдирди.
Маалыматка ылайык, долбоордун алкагында паркта спорт аянтчалары, балдар ойноочу жайлары, ачык асман алдындагы амфитеатр, жасалма көлмөлөр жана башка эс алуу жайлары курулат.
Ошондой эле паркка бийиктиги 47 метр болгон аттракцион орнотулары белгиленди.
Шаар башчысы курулуш иштерин жүргүзүп жаткан компаниянын өкүлдөрү менен жолугушуп, долбоорду өз мөөнөтүндө жана сапаттуу бүтүрүү тапшырмасын берди.
