Нью-Йоркто өлкөнүн башкы балатысы жандырылды. Ал шаардагы эң бийик асман тиреген имараттардын бири — Рокфеллер борборунун жанында орнотулган. Бул тууралуу чет элдик маалымат булактары жазып чыгышты.
Маалыматка ылайык, 85 жылдык балатынын жандыруу аземине ырчылар, актёрлор жана журналисттер катышышты. Балатынын бийиктиги 24 метр, салмагы 12 тонна.
Гирлянданын узундугу 8 километр жана 50 миң түркүн түстүү лампалар менен кооздолгон. Аны балатыга тагуу үчүн жумушчуларга эки жумадай убакыт кеткен. Ал эми үстүндөгү Swarovski жылдызында 3 миллион кристалл менен капталган 70 тикен бар. Анын жарыгы 6-январда өчүрүлөт.
Нью-Йорктун борборуна жаңы жылдык балаты отургузуу салты 1930-жылдардын башында пайда болгон.