Париждеги Олимпиада оюндарында байгелүү орунду алган спортчуларга мамлекет канча акчалай сыйлык берери белгилүү болду.
Алтын алган спортчуга 10 млн сом, күмүш үчүн 7 млн жана коло байге үчүн 5 млн сом сыйлык.
Белгилей кетсек, Париждеги жайкы Олимпиада оюндары 26-июлдан 11-августка чейин өтүүдө.
Кыргызстандын 16 спортчусу сууда сүзүү, спорттук күрөш, жеңил атлетика, дзюдо жана бокс боюнча мелдештерге катышууда. Алардын ичинен үч спортчу мелдештен четтеди.
Олимпиада-2024 мелдешинин программасына спорттун 45 түрү киргизилген. Анда 200дөн ашык өлкөдөн 10 500 спортчу күч сынашууда.
