30-июлда Мамлекеттик салык кызматынын Жайыл району боюнча башкармалыгынын текшерүү бөлүмүнүн улук инспектору кармалды.
УКМКдан билдиришкендей, Б.А.А. кызматтык бөлмөсүндө 35 миң сом пара алып жаткан. Ал З.П.К. ЖЧКсынын башкы эсепчисинен пландуу салыктык текшерүүнүн жыйынтыгы боюнча оң корутунду чыгарып берүү үчүн акча талап кылган.
Кылмыш-процессуалдык кодексинин 96-беренесине ылайык, КР УКМКнын убактылуу кармоочу жайына киргизилди.
Учурда тергөө-ыкчам иш-чаралары жүргүзүлүүдө.