Аламүдүн райондук өнүктүрүү фондунун директору кармалды. Бул тууралуу УКМКнын басма сөз кызматы билдирди.
Маалыматка караганда, Чүй облусунун Аламүдүн райондук өнүктүрүү фондунун директору А.С.К. аттуу жараны К.Ж.К. аттуу жарандан жарандык ишти кароого кайра кайтаруу жана анын пайдасына жаңы чечим чыгартып берүү үчүн 35 миң доллар талап кылганы аныкталган.
Белгилей кетсек, шектүү аталган жарандан буга чейин дагы бул маселени чечүү үчүн 97,5 миң доллар өлчөмүндө накталай акча каражатын алган.
Андан соң сот системасынын жогорку кызмат адамдарына шилтеме жасап, дагы кошумча 35 миң долларын талап кылган.
Шектүү 21-апрелде Кылмыш-жаза процессуалдык кодексинин 96-беренесине ылайык, Кылмыш-жаза кодексинин 343-беренесинин 3-бөлүгүндө каралган опузалап пара алуу фактысы боюнча кармалып, УКМК тергөө камак жайына киргизилди.
Учурда тергөө иштери жүрүп жатат.