Орусиялык актёр Василий Лановой 88 жаш курагында көз жумду. Бул тууралуу орусиялык басылмалар жазып чыгышты.
Маалыматка ылайык, 28-январда актердун абалы кескин начарлап кеткен жана аны жасалма дем алдыруучу аппаратка туташтырышкан. Көп өтпөй клиникалык өлүмгө дуушар болгон.
«2-январда Василий Лановой жана анын жубайы, актриса Ирина Купченко коронавируска чалдыкканы белгилүү болду. Актёрдун абалы жакшы болгон, бирок жаш курагына байланыштуу аны ооруканага жаткырууну чечишкен. Андан кийин анын өпкөсүнүн 5% гана жабыркагандыгы жана бир нече күндөн кийин айыгып кетери айтылган», — деп берилет маалыматта.
Белгилей кетсек, Василий Леновой «Алые паруса», «Согуш жана тынчтык», «Офицерлер», «Жаздын он жети ирмеми», «Анна жана Командир», «Турбиндердин күндөрү» аттуу кино тасмалар аркылуу белгилүү, жана андан тышкары 70тен фильмде ашык роль жараткан.
