Акылбек Жапаровду Министрлер кабинетинин төрагасы – президенттин администрациясынын жетекчиси кызматына дайындалышы менен Россия Федерациясынын президентинин администрациясынын жетекчиси Антон Вайно куттуктоо катын жөнөттү. Бул тууралуу президенттик администрациясынын басма сөз кызматы билдирди.
Эки өлкөнүн президенттик администрацияларынын ортосундагы конструктивдүү жумушчу байланыштарды өнүктүрүү эки өлкө лидерлери тарабынан коюлган милдеттери натыйжалуу чечүүгө өбөлгө түзөөрүн Антон Вайно баса белгиледи.
Ошондой эле ал Жапаровго ишиндеги ийгиликтерди, чың ден соолук жана бакубаттуулук каалады.