Ош шаарында баңгизатын сатып жургөн деп шектелип аскер кызматкери кармалды. Бул тууралуу Ички иштер министрлигинин баңгизаттарга каршы күрөшү кызматынан билдирди.
Маалым болгондой, 1991-жылы туулган А уулу Н аттуу жаран өсүмдүк тобундагы баңгизатты сатып жаткан учурда кармалган.
«Кылмышкер 27-январь күнү Ош обулусунда кармалды. Соттук химиялык экспертизанын корутундусуна ылайык алынган зат «гашиш» баңгизаты экендиги аныкталды. Ага катар, кармалган адам Ош жана Чүй облустарында, анын ичинде кылмыш-жаза тутумунун мекемелеринде жазасын өтөп жаткан соттолгондордун арасында баңгизаттарды таратууга катыштыгы бар экендиги белгилүү болду», — деп жазылат билдирүүдө.
Учурда сотко чейинки тергөө амалдары жүрүп жатат.
