Ош шаарында коомдук тамактануучу жайлар 1-июлдан тарта текшерилет. Бул тууралуу шаардык мэриянын маалыматында жазылат.
«Ош шаарынын мэринин тапшырмасына ылайык, “Манас-Ата” кафесинде болгон окуя боюнча тиешелүү кызматтарга, анын ичинде укук коргоо органдарына, санэпид кызматына тиешелүү тапшырмалар берилди.Бул кызматтар мыйзам чегинде бардык тиешелүү чараларды көрүшөт.1-июлдан тарта санэпид кызматы пландалган иш-чараларга ылайык, чарба жүргүзүүчү субъектилерди, тактап айтканда коомдук тамактануу жайларын текшерүүнү баштайт», — деп жазылат билдирүүдө.