Ош шаарынын мэриясынын коомчулук менен байланыш бөлүмүнүн башчысы болуп Азамат Жээнбеков дайындалды. Бул тууралуу Ош шаардык мэриясынын басма сөз кызматы билдирди.
Маалыматка ылайык, тиешелүү буйрукка мэр Алмаз Мамбетов кол койду. Бүгүн, 17-ноябрда жаңы жетекчи мэриянын аппаратына тааныштырылып ишин баштаган.
Белгилей кетсек, 33 жаштагы Азамат Жээнбеков эки жогорку билимдин ээси. 2011-2019-жылдары 7-каналда, 2019-2021-жылдары Жалал-Абад шаардык мэриясынын алдындагы маалымат борборунун директору болуп иштеген.
