Ошто 10 жашар бала канцелярдык мык жутуп алган. Аны дарыгерлер куткарып калышты. Бул тууралуу Ош облустар аралык балдар ооруканасынан билдиришти.
Маалыматка ылайык, окуя 7-августта болгон. Бала оң өпкөсүнөн жабыркап, канцелярдык мык бронхага сайылып калган. Балага тезинен жардам көрсөтүлүп, аман алып калышкан.
Анестезиология жана реанимация бөлүмүнүн башчысы Семетей Кочкорбай уулу операция жасап баланын өпкөсүндө туруп калган мыкты алып чыккан. Дарыгер акыркы учурда мындай окуялар көп болуп жатканын айтып, ата-энелерди балдарына жакшылап көз салууга чакырган.
