Ошто курулушта иштеп жаткан бала 13-кабаттан кулап кетип, каза болду. Бул тууралуу Ош ОИИБден кабарлашты.
Кырсык тууралуу маалымат милицияга 5-октябрь күнү саат 12:00дөр чамасында келип түшкөн. Ош шаарынын Шамшиев, 1 дарегинде курулуп жаткан көп кабаттуу үйдөн бир адам кулап кеткени кабарланган.
Жерине барган тергөөчүлөр каза болгон адам Өзгөндүн 16 жаштагы тургуну, ОшМУнун колледжинин студенти экенин аныкташкан. Алар келишим менен таштандыны тазалоо үчүн убактылуу ишке алынган.
Тергөө жүрүп, бардык тараптарга юридикалык баа берилери кошумчаланды.
