Ош шаарында 7 жаштагы бала каналга агып, көз жумду. Бул тууралуу Ош ШИИБден билдирди.
Маалыматка караганда, 6-март күнү саат 18:00 чамасында Ош шаарына караштуу Жапалак айылындагы Орке тилкесиндеги каналдан агып бара жаткан баланын жансыз денесин жергиликтүү тургундар көрүп, алып чыгышкан.
Ал ошол айылга Бишкектен убактылуу көчүп барып жашап жаткан үй-бүлөнүн баласы болуп чыккан. Тергөө учурунда соттук-медициналык экспертизадан баш тартышкан.
«Камерага тартылган тасмада, бала чөнтөгүндөгү буюмун сууга агызып алып, аны алам деп каналга кирип кеткен», — деп айтылат маалыматта.
