Кечээ, 22-апрель күнү 4 баласы бар 32 жаштагы келин өзүнүн үйүндөгү гаражга асынып алган. Бул тууралуу Ош ОИИБдин басма сөз кызматы билдирди.
Маалыматка караганда, кечээ саат 13:10 чамасында Кара-Суу РИИБге райондун Ишкаван айылында белгисиз аял өзүн-өзү асып каза болгондугу боюнча маалымат келип түшкөн.
Аталган маалымат Кара-Суу РИИБде катталып, окуя болгон жерге ыкчам тергөө тобу барган. Иликтөө учурунда 32 жаштагы С.К. аттуу келин үйүнүн жанындагы унаа токтотуучу гараждын ичиндеги темир торсунга жоолук менен асынып каза болгондугу аныкталган. Анын 33 жаштагы жолдошу жана жакын туугандары эч кимге арыз-доосу жок экендигин билдирип, соттук-медициналык экспертизадан өткөрүүдөн баш тартышты.
Маркум келиндин артында 3 уул, 1 кызы калды.
