Ош шаарын көрктөндүрүү жана жашылдандыруу иштеринин алкагында борбордук аянттагы жашыл аймак жаңыланып, заманбап ландшафттык дизайн менен жасалгаланууда.
Учурда сугаруу системалары орнотулуп, Италиядан алынып келген декоративдик бадалдар, арчалар, жашыл чөптөр жана түркүн-түстүү гүлдөр отургузулууда. Көчөттөр аталган ишканада атайын күнөсканаларда көбөйтүлүп, кийин шаардын башка аймактарына да отургузулат.
Бул иштер шаарды көрктөндүрүп, тургундарга жана конокторго жагымдуу шарт түзүүгө багытталган. Жакынкы күндөрү борбордук аянт, дагы да кооз көрүнүшкө ээ болот.
