Ош шаарынын орто билим берүү мекемелеринде системалуу түрдө акча чогултуу фактылары аныкталды.
Тактап айтканда, 28-августта УКМК тарабынан КР Кылмыш-жаза кодексинин 343-беренесинин 1-бөлүгү (опузалап пара талап кылуу) менен козголгон кылмыш ишинин алкагында Ош шаарындагы У.Салиева атындагы атайын адистештирилген лицейдин директору У.Ж.И. кармалып, ал аталган окуу жайга студентти кабыл алуу үчүн ири өлчөмдө пара талап кылган.
Атайын иликтөө иш-чараларынын жүрүшүндө 29-августта өзүнүн иш бөлмөсүндө пара алып жаткан жеринен аталган лицейинин директору У.Ж.И. кармалып, КР УКМКнын Тергөө башкармалыгына өткөрүлүп берилди.
Учурда козголгон кылмыш ишинин алкагында жогорудагы коррупциялык схемага тиешеси бар башка адамдарга карата далилдерди чогултуу жана документтештирүү боюнча ыкчам-иликтөө иш-чаралары уланууда.
