Ош шаарында жана облуста селдин кесепетинен каза болгондордун үй-бүлөлөрүнө бир миллион сомдон компенсация төлөнөт. Бул тууралуу Камчыбек Ташиев билдирди.
Ал бүгүн, 19-июлда тик учак менен облустун аймагындагы сел түшкөн жерлерди көрүп, жергиликтүү эл менен жолугушуу өткөрдү.
«Селден 76 үй такыр эле жараксыз болуп калган. Аларга 1 млн сомдон акча беребиз, капиталдык оңдоого муктаж 56 үй бар. Алардын ээлерине 500 миң сомдон беребиз
Оштогу борбордук базарда 750 контейнерге зыяны тийип ичиндеги товарларды агызып кетти деп жатышат. Бирок толук отчет жок. Буга чейин катталып, салык, патент төлөп жүргөндөргө 100 миң сомдон беребиз»,-деди ал.
Ош мэриясынын Жарандык коргонуу комиссиясы селден жабыркаган соодагерлердин чыгымдарын эсептөө иштери башталганын 18-июлда кабарлаган.
