Ошто өз өмүрүн кыюуга аракет кылган 17 жаштагы кыз куткарылды. Бул тууралуу ӨКМдин басма сөз кызматы билдирди.
Маалыматка ылайык, 112 кызматына Масалиев көчөсүндө курулуп жаткан көп кабаттуу үйдүн 11-кабатында бир кыз өз өмүрүн кыюуга аракет кылып жаткандыгы тууралуу маалымат түшкөн.
Жерине төрт куткаруучу тартылып, аталган кызды түшүрүп, алгачкы медициналык жардам көрсөтүшкөн. Андан соң ИИМ кызматкерлерине өткөрүп беришкен.