Ош шаарында Жолон Мамытовдун 85 жылдык мааракесине арналган «Жашыл аалам» поэзия фестивалына старт берилди.
Иш-чаранын негизги максаты — Ош шаарынын маданий брендин жайылтуу жана түрк тилдүү мамлекеттердин өкүлдөрү үчүн маданияттар аралык байланыштарды чыңдоо болуп саналат.
Фестивалга Азербайжан, Казакстан, Өзбекстан, Түркия, Түркмөнстан жана Кыргызстандын жаш акындары катышууда.
Маданий иш-чаранын ачылышы бүгүн Ош мамлекеттик университетинде болуп, анын алкагында “Отту сүйөм”, “Жашыл аалам” поэзия кечеси өттү. Анда акындын эң мыкты лирикалык, атуулдук чыгармалары жаңырды.
Фестиваль үч күнгө созулуп, анын жүрүшүндө чыгармачылык мастер-класстар, поэтикалык беттештер жана маданий экскурсиялар пландалган.
