Ош шаарында кызмат учурунда курман болгон милициянын генерал-майору Чыныбек Алиевдин жаркын элесине арналган ИИМдин кичи футбол боюнча чемпионаты өткөрүлдү.
Бул Республикалык мелдешке ИИМдин 14 курама командасы катышты. Финалда ЖКККББнын курама командасы үч күн оюн көрсөтүп, ИИМдин Атайын багыттагы полкун 2:1 эсебинде жеңип, Республика боюнча биринчиликти багындырды.
Аброр Хакимов мыкты чабуулчу, Азамат Султаналиев мыкты дарбазачы жана Бекболсун Маматжанов мыкты оюнчу номинацияларына ээ болду.
