Пакистанда бир айдын ичинде катуу жааган муссон жамгырларынан улам 279 адам каза болуп, 676сы жаракат алды. Бул тууралуу ТАСС агенттиги билдирди.
Маалыматта белгиленгендей, нөшөрлүү жаан-чачындан улам сел, жер көчкү жана башка табигый кырсыктар орун алды. Жалпы 1,5 миңден ашык үй бузулуп, миңдеген адамдар эвакуацияланды. Айыл чарба жана мал чарбачылыгы да олуттуу зыянга учурады.