Бишкек шаарындагы Панфилов паркы 1-майдан баштап үч айга ачылат. Шаар мэри Айбек Жунушалиев өлкөдөгү базарлар, соода жана кызмат көрсөтүүлөр ассоциациясынын президенти Сергей Пономарев жана бизнес-коомчулугу менен жолугушууда сейил багын май майрамдарына карата ачуу чечими кабыл алынды.
“Айбек Жунушалиев паркты май майрамдарына карата ачууну тапшырды. Парктын администрациясына да аттракциондор коопсуздук талаптарына ылайык келтирилсин деген шарт менен ушул эле мөөнөткө иштөөгө уруксат берилди”, — дешти муниципалитеттен.
Эскерте кетсек, буга чейин эс алуучулар аттракциондон кулаган эки учур катталган. Катуу жаракат алган кыздын окуясынан кийин парк ишин токтоткон.
