Патентке төлөнчү акча каражаттарды мыйзамсыз ыйгарып алган салык кызматкерлери кармалганын УКМКдан билдиришти.
«Базар-Коргон районунун соода-базар комплексинин ишкерлеринин жана соодагерлеринин патенттерине төлөнчү акча каражаттарды салык инспекторлору системалуу түрдө чогултуп, өздөрүнө ыйгарып алып жүргөн туруктуу коррупциялык схемага бөгөт коюлду. Натыйжада соттун санкциясы менен Жалал-Абад облусунун Базар-Коргон району боюнча Мамлекеттик салык кызматынын бөлүм башчысы жана райондун соода базарларын көзөмөлдөгөн 2 инспектор кармалып, №53 тергөө абагына киргизилди»,- деп берилет маалыматта.
