Кыргызстандын Пенчак Силат боюнча улуттук курама командасы Өзбекстандын Бухара шаарында өткөн Азия чемпионатында жалпысынан 5 медаль (2 алтын, 3 коло) жеңишти.
Чоңдор арасында 70 кг чейинки салмак категориясында Алижан Аблагатов жана кыздар арасында 30 кг чейинки салмак категориясында Арууке Бикбоева Азия чемпиондору болушту.
Ошондой эле, Бексултан Алыбеков (50 кг), Темир Бикбоев (63 кг) жана Азат Бейшенбеков (38 кг) өз салмак категорияларында 3-орунду ээлешти. Мелдеш 7-16-октябрь күндөрү өтүп, курама команда башкы машыктыруучу Каныбек Бикбоевдин жетекчилиги алдында мелдешке катышты.
