«Бүгүн тарыхый күн. Эзелтеден бери Кыргызстан менен Өзбекстандын ортосунда чечилбей келген чек ара маселесине чекит кое турган күн»,-деди президент Садыр Жапаров бүгүн, 17-ноябрда Жогорку Кеңештин жыйынында.
«Менин айтайын дегеним Кемпир-Абаддын алдында жаткан жерибиз кетип жатат деп ызы-чуу салып жаткан жарандарга айтаарым, суу астында жаткан 4127 гектар жер 1965-жылы эле Өзбекстан менен алмашып кеткенине күбө болдуңуздар. Ошого карабастан ызы-чуу чыгарып, кокус Кемпир-Абад кургап кетсе суу астытнда жатан жер Өзгөндө калсын деп кыйкырып жатасыздар. Суу кургабайт, кылымдар бою суу агат. Экинчиден, макул суу сактагыч кургап кетти дейли ордуна теңме тең башка жерден берип ошол замат алмашып алсак болот»,-деди ал.
Белгилей кетсек, бүгүн, Кыргызстан менен Өзбекстандын ортосундагы мамлекеттик чек ара маселеси парламентте каралып жатат.
