Президент Садыр Жапаров министрликтерге санарипке өтүү боюнча эскертүү менен 1-сентябрга чейин убакыт берди. Бул аралык ичинде өтпөгөн министрликтерге 2-сентябрь өз каалоосу менен арызын жазып кете берүү талабын койду.
«Санарип министрине бир жылдык мөөнөт берилип, «Бардык министрликтерди жана мамлекеттик мекемелерди санарипке өткөрөсүң» деген милдеттеме коюлган. Жарым жыл өттү. Таблицада көрүнүп тургандай кайсы министрлик толук маалыматтарын 1-сентябрга чейин бербесе, 2-сентябрь күнү өз каалооңуздар менен арызыңыарды жазып келе берсеңер болот. Санарипке өтүүнү каалабаган министрлик же мамлекеттик мекемелер коррупциялашкан мекемелер. «Мурдагыдай эле кагаз менен иштеп, уурдап жашай беребиз» дегендер деп билебиз», -деп айтылат маалыматта.
