Бүгүн, 5-декабрда президент Садыр Жапаров “Дордой” базарынын соодагерлери менен жолугушууда жаңы салык саясатын ишке ашырууга Салык кызматы өзү да даяр эмес экенин айтты.
Жолугушуунун башында бир нече ишкер сүйлөп, Көзөмөл-кассалык машинелерди (ККМ) колдонууга каршы экенин билдирип, патент системасын калтырууну талап кылышты.
“Эки күндөн бери баарын изилдеп чыктым. Мен азыр кандай иштеп жатышса июль айына чейин тийбегиле, токтотуп тургула дедим. Анткени салыкчыларыбыз өздөрү даяр эмес экен. Мен муну кечээ билдим”, — деди өлкө башчы.
