Москва шаарында жайгашкан Саясий социология илим изилдөө институту кыргызстандыктардын шайлоо артыкчылыктары боюнча изилдөө жүргүзгөн.
Өлкөнүн бардык аймактарында жана Бишкек менен Ош шаарларында 18-25-ноябрь күндөрү жүргүзүлгөн сурамжылоого жашы 18ден жогору 7миң 88 адам катышкан.
«Эгер Кыргызстандын президентин шайлоо кийинки жекшемби күнү өткөрүлсө, сиз шайлоого бармак белеңиз?» — деген суроого жарандардын 84,5% «ооба» деп жооп берген. 10,6% шайлоого барууга даяр эместигин айтса, дагы 4,9% жооп берүүдө кыйналган.
Сурамжылоого ылайык, биринчи орунду президенттикке талапкер Садыр Жапаров алган.
- Садыр Жапаров-( 59,11%)
- Адахан Мадумаров -(3,23%);
- Канатбек Исаев- (0,86%);
- Бактыбек Калмаматов -(0,28%)
- Арстанбек Алай (Абдылдаев)- (0,26%)
- Равшан Жээнбеков -(0,22)
Калган талапкерлер жалпысынан 5%дан төмөн алары күтүлүүдө.
Катышкандардын 21,57% кимди тандай турганын азырынча чече электигин, ал эми 9,49% баарына каршы добуш берерин айтышкан.
Сурамжылоо телефондон маектешүү ыкмасы аркылуу жүргүзүлгөн. Ага бир үйдөн бир гана адам катышкан.
Респонденттердин ичинен эркектер – 53%, аялдар – 47%ды түзгөн. Калктын жашаган аймагынын түрлөрү боюнча шаар тургундарынын үлүшү 44,4%ды түздү.
