Россия Федерациясынын президенти Владимир Путин Тажикстанга барат. Сапар келерки аптага пландалганын Lenta.ru жазды.
Путин алгач Дүйшөмбү шаарына барат. Тажикстандын президенти Эмомали Рахмон менен сүйлөшүүлөр болот. Мындан сырткары баарлашуу жана жумушчу түштөнүү каралган. Бул орус лидеринин Украинадагы согуш башталгандан берки биринчи сапары болот.
Мындан тышкары, орус лидери Индонезиянын президенти Жоко Видодо менен сүйлөшүүлөрдү жүргүзүүнү, ошондой эле Ашхабадга (Түркмөнстан) барууну пландап жатат, ал жерде Каспий саммитине катышат.