Бишкектин четиндеги Ак-Ордо конушунда жогорку ылдамдыкта келген жүк ташуучу унаа жүргүнчү ташыган №169 маршрутканы артынан келип сүзгөн. Кырсыктын видеосу социалдык тармактарда тараган.
«Жүк ташуучу унаанын айдоочусу уктап кеткен. Учурда кырсыктын чоо-жайы такталууда»,- дешти Жол кыймылынын коопсуздугун камсыз кылган башкы башкармалыгынан.
Саламаттыкты сактоо министрлиги менен байланышканыбызда, жалпы 24 адам ооруканага жеткирилгенин, 1 адам жеринде каза болгонун, 4 адам жандандыруу бөлүмүнө түшүп, алардын үчөөсүнүн абалы оор экенин айтышкан.
