Ош шаардык сотунун чечими менен Исламбек жана Руслан Матраимовдор 18-майга чейин камакка алынды. Алар Кылмыш жаза кодексинин “Кылмыштуу каражаттарды адалдоо” беренеси боюнча айыпталууда.
Ал эми Тилек Матраимов 26-апрелге чейин камакта болот. Ал Кылмыш жаза кодексинин “Кызматтык абалынан кыянаттык менен пайдалануу” беренеси боюнча айыпталууда.
Бишкектин Биринчи май райондук соту Райым Матраимовду УКМКнын тергөө абагына бир айга калтырды.
Эске салсак, 25-мартта Райым Матраимов менен кошо бир туугандары Руслан, Исламбек, Тилек Матраимовдор да кармалган.
