Президенттикке талапкер Равшан Жээнбеков 10-январда өткөн президенттик шайлоонун жыйынтыгын реалдуу натыйжа катары кабыл алат. Бул тууралуу ал «Азаттыкка» билдирди.
«Азыр эми бардык жыйынтык чыгып жатат, кагазга. Балким бир аз айырма болушу мүмкүн. Мындан ары мен кандай саясат жүргүзсөк ошол жол менен уланта беребиз»-деп айткан ал өз сөзүндө.
Бүгүн, 10-январдагы кезексиз президенттик шайлоонун баштапкы жыйынтыктары жарыялана баштады.
БШКнын сайтында электрондук урнадагы автоматтык түрдө саналган добуштардын пайыздык көрсөткүчү жарыяланып, Садыр Жапаров атаандаштарынан озуп чыкты. Саат 21:00дөгү маалыматка караганда аны шайлоочулардын 79% көбүрөөгү колдогон.
